Emmanuelle 5
|
C'l artìcul chè 'l è scrit in
Miranduléś |
 Emmanuelle 5
| ||
| Emmanuelle 5 | ||
 La Monique Gabrielle in na figùra dal film | ||
| id. 1987 | ||
|---|---|---|
| Regìa: Walerian Borowczyk • Steve Barnett | ||
| Scritōr: Emmanuelle Arsan • Alex Cunningham Walerian Borowczyk • Howard R. Cohen | ||
| Atōr: Monique Gabrielle • Dana Burns Westburg Crofton Hardester • Yaseen Khan • Julie Miklas Pamm Vlastas • Harold Kay • Marie Chocolat | ||
| Müsica: Pierre Bachelet • Bernard Levitte | ||
| Léngua: Ingléś | ||
| Dürä dal film: 85 minüt | ||
| Nasiōṅ: Frància | ||
Emmanuelle 5 (id.) 'l è 'n film eròtic francéś dal 1987 ad Walerian Borowczyk finî pò p'r al sò asistènt Steve Barnett.
Ad cal film chè, ch'a tōś ispirasiòṅ da 'l persunàǵ malnét dl'“Emmanuelle” creâ par l'Emmanuelle Arsan, a gh'è dū versiòṅ ślungàdi, qvéla americàna (cun dal séni fati apòsta par Roger Corman) e qvéla francéśa ch'la véd anc di pès pòran cun di àt'r atōr difarènt ad qvéi prutagunìsta.
Sunt
L’Emmanuelle (Monique Gabrielle) l'è n'atōra ch'l'à péna finî ad giràr un film spurcaciòṅ da 'l tìtul “Love Express” ch'l'à fat dascórar tut a 'l Fèstival ad Cannes. Durànt la móstra al sò prudutōr al gh preśénta un prìnsip àrab dal stat dal Benglacistan ch'al gh'à butâ gl'òć adòs, Rajid (Yaseen Khan). In dal méntar ch'in dal cìnema a s véd al sò film, in cal caśèṅ lè, soquànt giurnalìsta e futógrafar i gh càvan via tut i vistî curénd-'g adrē. La dóna la scapa via e la finìs in sla barca 'd un migliardàri americàṅ ch'al gh'à na fàbrica 'd marléti, Charles Foster (Dana Burns Westburg). I dū i finìs'n anc a lèt.
In séguit 'l óm al vrév cuntinuàr la stòria sèg ma l’Emmanuelle l'à decìś invéci ad far un viàś p'r andàr a catàr al sò prìnsip. In dal paéś aśiatìc la dóna la cgnós Eric (Crofton Hardester), 'n amìg ad Charles mandâ là par prutèś'r-la. Quànd l’Emmanuelle la capìs che Rajid al vōl métar-la in dal sò harem ad sinquànta dóni, la decìd ad scapàr via cun 'l ajùt 'd Eric e di marines.