Elesiòṅ regiunàli dl'Emìglia Rumàgna dal 2014
|
C'l artìcul chè 'l è scrit in
Miranduléś |
Gl’Elesiòṅ regiunàli dl'Emìglia Rumàgna dal 2014 i gh'èṅ stadi al 23 dal méś ad Nuvémbar, soquànt méś prima dal duvû par via dal dimisiòṅ dal presidènt Vasco Errani. I cunsiliér dal parlamènt regiunàl da elèśar i èṅ 50 in tut, 48 fra i candidâ cunsiliér in lista e i 2 fra i candidâ a presidènt più vutâ.
La cunsultasiòṅ l'è stada vinsa p'r al candidâ dal Partî demucràtic, al mudnéś ad Campgajàṅ Stefano Bonaccini, ch'l à batû i sò rivài, qvél ad sèntar-dèstra, al leghìsta sìndic ad Bundèṅ Alan Fabbri, e qvéla dal Muimènt Sinc Stéli, la miranduléśa Giulia Gibertoni. Gl'àtar candidâ ch'i aṅ tòlt part a gl'elesiòṅ i èṅ stâ la Maria Cristina Quintavalla p'r al partî Cl'atra Emìglia Rumàgna (sinìstra radicàla), Alessandro Rondoni par 'l Ugnòṅ ad Sèntar e p'r al Sèntar-Dèstar Nóṿ e Maurizio Mazzanti par la lista Lìbar Sitadèṅ par l'Emìglia Rumàgna.
Gl'emigliàṅ e i rumagnōi andâ a vutàr i èṅ stâ dimóndi pôc, al 37,71% (1.304.841 vutànt a frònt ad 3.460.402 ch'i gh'ìv'n al dirìt) cónt'r al 59,26% dgl'elesiòṅ prima. Al schédi biànchi i èṅ stadi 15.327 (1,17%), al schédi nuli 34.145 (2,62%) méntar qvéli cuntestàdi i èṅ stadi 111 (0,01%).
Riśultâ
| Presidènt e Partî | Vōt | % | Séǵ |
|---|---|---|---|
| Stefano Bonaccini | 615.723 | 49,05 | 32 |
| PD | 535.109 | 44,52 | 30 |
| SEL | 38.845 | 3,23 | 2 |
| Emìglia Rumàgna Sìvica (Vérd-PSI) | 17.984 | 1,49 | - |
| Sèntar par Bonaccini (CD-Demucrasìa Sulidàla, IdV) | 5.247 | 0,43 | - |
| Alan Fabbri | 374.736 | 29,85 | 12 |
| Léga Nòrd | 233.439 | 19,42 | 9 |
| Fòrsa Itàglia | 100.478 | 8,36 | 2 |
| Fradèi 'd Itàglia | 23.052 | 1,91 | 1 |
| Giulia Gibertoni | 167.022 | 13,30 | 5 |
| Muimènt Sinc Stéli | 159.456 | 13,26 | 5 |
| Maria Cristina Quintavalla | 50.211 | 4,00 | 1 |
| Cl'Àtra Emìglia Rumàgna | 44.676 | 3,71 | 1 |
| Alessandro Rondoni | 33.437 | 2,66 | - |
| Emìglia-Rumàgna Pupulàra | 31.635 | 2,63 | - |
| Maurizio Mazzanti | 14.129 | 1,12 | - |
| Lìbar Sitadèṅ par l'Emìglia Rumàgna | 11.864 | 0,98 | - |
| Tutàl di vōt a i partî | 1.201.785 | 100% | 48 |
| Tutàl di vōt a i presidènt | 1.255.258 | 100% | 2 |