Elena Dement'eva

Da Wikipedia.
C'l artìcul chè 'l è scrit in Miranduléś Emiliàn
Prim piàṅ dla rusa


L’Elena Vjačeslavovna Dement'eva (Mósca, 15 'd Utóbar dal 1981, ciamàda in Rus Елена Вячеславовна Дементьева, [jɪˈlʲenə dʲɪˈmʲentʲjɪvə]) l'è stada na tenìsta rusa prufesiunìsta da 'l Agóst dal 1998 a 'l Utóbar dal 2010. L'è stada la nùmar tri dal mónd al 6 'd Avrìl dal 2009. In dla sò caréra la s è misa in bisàca quìndas migliòṅ ad dòlar a 'l incìrca. Adès la s è stablìda a Mòntcàrul.

L'è élta 180 cm e la péśa 64 chilo. La dróa al bras dèstar e la tira 'l arvèrs a dū maṅ.

Caréra

In dla sò caréra l'à vins dū mdaj a gl'ulimpìadi par la Rùsia, una 'd argìnt a Sydney in dal 2000 (2-6 4-6 da l'americàna Venus Williams) e una 'd òr a Pechîn (3-6 7-5 6-3 a cl'atra rusa, la Dinara Safina).

L'à śugâ dū finàli dal Gran Slam a 'l Roland Garros e a gl'US Open in dal 2004 ma la i à pardùdi tuti. I sò tìtui WTA in singulàr i èṅ quìndas (3 WTA Premier Mandatory) e siē qvéi in dópi.

Finàli in di Gran Slam

Turnéo An Vins/Pardû Aversàri in finàl Puntéǵ
Roland Garros 2004 P Anastasija Myskina 1-6 2-6
US Open 2004 P Svetlana Kuznecova 3-6 5-7

Culegamènt estéran