Dutåur Balanzån

Da Wikipedia.

Provincia di Bologna-Stemma.png Artéccol in dialatt bulgnais Bologna-Stemma.png

Al Dutåur Balanzån.
Al Dutåur Balanzån.

Al Dutåur Balanzån (da balanza, l'alegorî d'la giustézzia), cgnossó dal Sizänt e dal Sètzänt cme Dutåur Graziàn, l'è 'na masscra bulgnaisa d'la Cumêdia d'l Èrt.


Trât[modifica | mudéfica la surzéia]

Nèd in Emégglia, indóvv l'à tôlt la laurea, l'è al téppic parsunâg' sêri, milanais e furmintån che quand al tâca a bacajèr al n dsmétt pió, druvànd anch däl parôl in latén inventè.

Ômen col ganâs ruslòti, l'è sänper fté ed naigher e l'à 'na pänza gròsa. Al smanâza di mondi mo l'è sänper ed fidàzzia e al pèr anch dîr di mondi. dL'à una masscra ch'la i côver såul al såurazéi e al nès in vatta a dû gran bâf. L'à un giubén da prufesåur d'l universitè ed Bulåggna: una toga naigra, dî sulén e dî paramàn biànc, un gran capèl, una giobba e una caparèla.

Sutésstic e ranpinåus, al s pêrd in socuant insegnamént e cunsélli inóttil. Al sà sänper truèr una scûsa par cminzipièr on dî sô sproloqui da dutåur pén ed parôl inventè e sänza significhè (balanzunè). L'è bón ed vantèrs dî sô téttol, al dîs ch'al cgnoss in cossa ed la siänza d'l ômen: al dîs ed savairen ed lazz, ed siänza dî dutûr, ed siänza däl strèl, ed filosofî. L'è nujåus quand al in dscårr e an in fà un misdån ch'an s capéss pió gninta.

Äli ètri masscri i al stémmen di mondi. I van da ló par fèrs curèr e ló al n dîs brîsa ed nå, parché ai piès ed dscårrer e ed dèr dî parair (chi n cånten po gninta) in zîr.