Disturbia

Da Wikipedia.

C'l artìcul chè 'l è scrit in Miranduléś Emiliàn

Disturbia

La Roemer e Shia LaBeouf in na figùra dal film
id.
2007
Regìa: D. J. Caruso
Scritōr: Carl Ellsworth • Christopher B. Landon
Atōr: Shia LaBeoufSarah RoemerAaron Yoo
Carrie-Anne MossDavid MorseMatt Craven
Viola DavisJose Pablo CantilloElyse Mirto
Amanda WalshKevin QuinnKent Shocknek
Müsica: Geoff Zanelli
Léngua: IngléśSpagnōlGiapunéś
Dürä dal film: 104 minüt
Nasiōṅ: Stat Unî


«
À't mai pinsâ ch'al tò vśèṅ 'd cà al prév ès'r un sasèṅ?»
(Tagline dal film)


Disturbia (id.) 'l è 'n thriller americàṅ dal 2007 ad D. J. Caruso ch'al tōś ispirasiòṅ da 'l film La finestra sul cortile 'd Alfred Hitchcock. Al tìtul dla pelìcula al ciàpa 'l nóm da la sità in du l'è ambintàda.

'L à fat sù da piò ad sènt-darsèt migliòṅ ad dòlar in tut a frònt 'd un cóst ad vint.

Sunt

Kale Brecht (Shia LaBeouf) 'l è 'n śōvan buletàri ch'l à patî dimóndi la mòrt ad sò pàdar Daniel (Matt Craven) in 'n incidènt in màchina specialmènt parchè lò al s sènt in na quàlc manéra respunsàbil. Adès al viṿ cun sò màdar Kale (Carrie-Anne Moss). P'r al fat 'd èsar dimóndi śò al lasa pèrd'r i studi e, quél ch'l è pèś, al mòla anc dū marùc a 'l sò prufesōr ad spagnōl andànd acsè in di guàj parchè la pulisìa la gh dà tri méś ad recluśiòṅ in cà. Al ragàs al gh'à da purtàr 'n aparéć letrònic a la gamba p'r a n scapàr minga via. A n saénd cuśa far, al s mét a tgnir 'd òć i sò vśèṅ insém a 'l sò amìg Ronnie (Aaron Yoo). A s śònta pò anc l’Ashley (Sarah Roemer), na biónda ch'la stà lè darènt, ch'la pasa acsè da vitma a petégla anca lē.

Al śughlèṅ 'l è divertènt, i tri i gh càtan dimóndi gust a védar qvél ch'i faṅ in cà chi àtar cuma di putèṅ ch'i guàrdan di film pòran a la televiśiòṅ sénsa che sò màdar la sàppia gnint. Un dè Kale al s mét in tèsta ch'al sgnōr Robert Turner (David Morse) 'l àppia cupâ na ragàsa parchè lì lē la n s véd piò da cla banda. Purtròp al gh'à anc ragiòṅ e par qvést chè al và in a risć dla vita.

Culegamènt estéran