Discussione:Légami!
Chèr al mé Mir, a 'm despièś 'd èser custrèta a smintìr al mé grós mìster 'd scritùra, mo quand te scrìv "Lola (Loles Léon), a n catànd-la piò, la và a cà...", cal gerùndi negatìv lè, mè a n' crèd ch'a gh'vója al sugèt a, e la próva 't egh'l'ê s't el vê a mèt'r in dl afermatìv, catànd-la incòr: in dû ghe s'rèv biśògn dal sugèt? Scùś'm incòr s'a 'm sùn permìsa, mo 't avrê anc capî in cal mèinter chè, che na quèlc volta a 'm piêś anc pùnś'r-et.. :-P , --Gloria (discussioni) 18:19, 20 Dec 2014 (UTC)
- A n al sò mia ("A n al" dastacâ, a m arcmànd!) se cla A lè 'l è sugèt imparsunàl o na létra eufònica cuma a s fà cun "Al và in a risć" (o s'l è 'l "IN" ch'a gh'è ad tròp, cuma s'a s vlis dir "AD DÈNTAR DAL RISĆ"), "La sa spòsta" (ma → LA S SARÀ DAŚDÀDA PRIMA, la 'l à dit mè màdar dascurénd dal film Miriam si sveglia a mezzanotte ch'a gh'iva da registràr ad nòt a la televiśiòn ma a-j-ò pardû 'l inìsi parchè 'l è tacâ prima), "a gh tgném a drē" (o "a gh tgém adrē"?). À't mai sintî "A m vèn in a mènt"? Tè cuma dì't? N CATÀND-LA PIÒ? A s pōl anc dar, mè ad sòlit a gh mét na A prima e 'l è 'l cólum parchè quànd a gh'è da tiràr via dal vucàli ch'i n sarvìsan mia, mè a sòn sèmp'r in prima fila cuma quànd a dig "I ŚGRANFGN'N INCÓRA" (chi rumàn là, qvéi dla "Màfia capitàl", a s sém intéś, véra?). Da 'l punt ad vista dla gramàtica cagl'"A" lè i n gh'ànan mia spiegasiòn, a sòn 'd acòrd tèg. Fà-la tè la fraś in carpśàn pò mè a t dig s'la gira bèn. A n saénd mia cuśa dir, mè a t la dag vinsa...--Mirandolese (discussioni) 19:48, 20 Dec 2014 (UTC)
Dand n'uciàda a cla pàgina chè ch'la dascór dal dialét mudnéś http://it.wikipedia.org/wiki/Dialetto_modenese#Modo_gerundio a s véd ch'al gerùndi e 'l infinî i èn imparsunài:
- Magnàr a fà bèn a la salùt
- A n magnàr minga a t farà andàr a 'l campsànt
- Esénd bèla dimóndi, la Belen la fà pèrdar la tèsta a chi óm
- A n esénd minga un chilo, 'l insiminî al fà sōl dal casàdi (ch'la s pōl anc prilàr in "esénd ch'al n è minga 'n chilo...")
Sē't 'd acòrd o par tè a s diś "N magnàr minga" e "N esénd minga"?--Mirandolese (discussioni) 20:33, 20 Dec 2014 (UTC)
- Na quelc volta a n'sò mia s't em tō p'r al nèś o 't em prìl dintórna: mo scùś-em bèin! S'la fùs na a evfònica, pròpi tè 't em ìv insgnê a scrìver ò-j-a, a-j-ò cun la j evfònica, e a 'm par'rèv che per congruèinsa, t'avrèv e-scrìt a-n catànd, o invéci s'l'è tachèda propi a la n dla negasiòun, a n' ghe srèv mia gnìnt ed stràn, secònd mè, a scrìver dòunca an catànd-la piò. In d'un mumèint, a 'm vin in a-mèint che mè dificilmèint a-j-ò sintî druèr an catènd-la piò, mo piotòst an cavènd-egh-la piò ed catèr-la, mo a dir la veritê incòr (vèd-et che 'l veritê i vin'n a gàla, e per fortùna... Ròma docet) al gerùndi propia lò, mè a crèd ch'al n'è mia tant druê: a s preferìs tirer fiê e girèr dèint'r a na perìfraśi diferèinta... Mo in dal parlê, 's capìs, mia in dal scrìt.. --Gloria (discussioni) 20:59, 20 Dec 2014 (UTC)
- Magnàr a fà bèn a la salùt > Magnèr a fà bèin a la salùt : 'l infinî al dvèinta sugèt tersa persòuna e mè a-j-ò catê soquànt eśèimpi che la tersa persòuna la vin anca in a piotòst che in al (la prèv èser n'eliśiòun anc quèla lè, na pèrdita 'd pès ed lung a la strèda..)
- A n magnàr minga a t farà andàr a 'l campsànt > An magnèr minga a' (perchè mìa 'l apòstrof ed caschèda dla l?) 't farà andèr al simitéri
- Na quelc volta a n'sò mia s't em tō p'r al nèś o 't em prìl dintórna: mo scùś-em bèin! S'la fùs na a evfònica, pròpi tè 't em ìv insgnê a scrìver ò-j-a, a-j-ò cun la j evfònica, e a 'm par'rèv che per congruèinsa, t'avrèv e-scrìt a-n catànd, o invéci s'l'è tachèda propi a la n dla negasiòun, a n' ghe srèv mia gnìnt ed stràn, secònd mè, a scrìver dòunca an catànd-la piò. In d'un mumèint, a 'm vin in a-mèint che mè dificilmèint a-j-ò sintî druèr an catènd-la piò, mo piotòst an cavènd-egh-la piò ed catèr-la, mo a dir la veritê incòr (vèd-et che 'l veritê i vin'n a gàla, e per fortùna... Ròma docet) al gerùndi propia lò, mè a crèd ch'al n'è mia tant druê: a s preferìs tirer fiê e girèr dèint'r a na perìfraśi diferèinta... Mo in dal parlê, 's capìs, mia in dal scrìt.. --Gloria (discussioni) 20:59, 20 Dec 2014 (UTC)
- Esénd bèla dimóndi, la Belen la fà pèrdar la tèsta a chi óm > Sènd bèla dimòndi, la Gloria la fà pèrder la tèsta a chi òm (ops)
- A n esénd minga un chilo, 'l insiminî al fà sōl dal casàdi > 'N sènd minga 'n chìlo, 'l insiminî al fà sōl dal casèdi
--Gloria (discussioni) 21:22, 20 Dec 2014 (UTC)
- Parchè in dla tèrsa parsòna singulàra a gh'ém tri sugèt: AL p'r i masć o sugèt definî (AL lìbar AL gh'à sènt pàgini), LA p'r al fémni o sugèt definî (LA bucìna LA cósta dimóndi) e A p'r i sugèt minga definî o p'r i cuncèt astràt: A néva, A sucéd da spés ch'a fém di śbali chè dèntar, A vèn catâ un surghèn séc in dal tasèl mòrt. S'ta gh dà a mènt, at pó védar ch' I sugèt/prunóm I èn cumpàgn a i atìcui, stés quèl p'r i prunóm dimustratìv c'n un K davànti: AL → KAL, LA → KLA, I → KI.
- In dla pàgina lumbàrda ad De André: http://lmo.wikipedia.org/wiki/Fabrizio_De_Andr%C3%A9 a gh'è scrit: ...Ind i agn sücesiv, pür catand minga föra i pröv de una so partecipaziun ativa a grupp pulitegh o extraparlamentaar, el De André al ven vedüü del SISDE un "simpatiser de i BR"... Lì lōr i tìran via A e N però i dìś'n anc "dura minga" (par nuàtar: A N DURA MINGA), a n sò minga s'a pòs cuntàr-'g insìma. Par dir NON MANGIARE! at pó dir MINGA MAGNÀR! o anc A N MAGNÀR MINGA! (cun cla A lè ch'la n gh'èntra gnint c'n al sugèt dla secónda parsòna singulàra anc parchè 'l imperatìv a n vōl mia 'l sugèt) sē't 'd acòrd mèg? Al fraśi i s pōl'n anc prilàr cuma 't à dit tè o anc mè faghénd 'l eśèmpi ad "esénd ch'al n è minga 'n chilo..." a 'l pòst ad "A n esénd minga un chilo". S'a cat al tèmp a gh vój andàr a fónd. Soquànt i dìśan ch'al fraśi negatìvi i èn fati in cla manéra chè: sugèt + AN + vèrub + MINGA, cun la A di AN cla sparìs da spés davśèn a di atri vucàli. A AN MAGN MINGA → A 'N MAGN MINGA → A-N MAGN MINGA • AT AN MAGN MINGA → 'T AN MAGN MINGA • AL AN MAGNA MINGA → AL 'N MAGNA MINGA • A AN MAGNÉM MINGA → A 'N MAGNÉM MINGA → A-N MAGNÉM MINGA e via acsè. Però s'a fus véra 'l è un quèl strân dimóndi parchè praticamènt la forma AN la n gh sarév mai ma sōl N cun eliśiòn. Pò parchè scrìvar A-N MAGN MINGA e minga AL-N MAGNA MINGA? 'L è cuma scrìvar EGLINON MANGIA MICA! A prév ès'r anc 'd acòrd in na quàlc manéra parchè cl'idéa chè la dà sèns a la fórma 'T AN MAGN MINGA (lasànd al sugèt AT) che mè a scriv invéci TA N MAGN MINGA (esénd ch'a pòs anc pinsàr che AT al dvènta dal vòlti TA par psēr dascórar méj quànd un quàlc quèl a s mét in mèś fra sugèt e vèrub cuma in TA M DÀ FASTÌDI e TA GH VÀ DÈNTAR). Par mè i eśìstan M (mi) N (non) T (ti) S (si) G (ci/gli) scriti acsè, sénsa na vucàl prima parchè a i cat sèmpar da par lōr, pusìbil ch'a gh sia sèmpar n'eliśiòn in mèś? Difarènt 'l è al caś ad IN (ne) parchè a s diś A IN CAT TRI (io ne trovo tre) ma anc A 'N IVA TRI (io ne avevo tre).--Mirandolese (discussioni) 22:15, 20 Dec 2014 (UTC)
Spèta ch'a tōg bèin un quèl ed chèld intànt 't em còunt... ;-P)P --Gloria (discussioni) 22:33, 20 Dec 2014 (UTC)
- In dla pàgina lumbàrda ad De André: http://lmo.wikipedia.org/wiki/Fabrizio_De_Andr%C3%A9 a gh'è scrit: ...Ind i agn sücesiv, pür catand minga föra i pröv de una so partecipaziun ativa a grupp pulitegh o extraparlamentaar, el De André al ven vedüü del SISDE un "simpatiser de i BR"... Lì lōr i tìran via A e N però i dìś'n anc "dura minga" (par nuàtar: A N DURA MINGA), a n sò minga s'a pòs cuntàr-'g insìma. Par dir NON MANGIARE! at pó dir MINGA MAGNÀR! o anc A N MAGNÀR MINGA! (cun cla A lè ch'la n gh'èntra gnint c'n al sugèt dla secónda parsòna singulàra anc parchè 'l imperatìv a n vōl mia 'l sugèt) sē't 'd acòrd mèg? Al fraśi i s pōl'n anc prilàr cuma 't à dit tè o anc mè faghénd 'l eśèmpi ad "esénd ch'al n è minga 'n chilo..." a 'l pòst ad "A n esénd minga un chilo". S'a cat al tèmp a gh vój andàr a fónd. Soquànt i dìśan ch'al fraśi negatìvi i èn fati in cla manéra chè: sugèt + AN + vèrub + MINGA, cun la A di AN cla sparìs da spés davśèn a di atri vucàli. A AN MAGN MINGA → A 'N MAGN MINGA → A-N MAGN MINGA • AT AN MAGN MINGA → 'T AN MAGN MINGA • AL AN MAGNA MINGA → AL 'N MAGNA MINGA • A AN MAGNÉM MINGA → A 'N MAGNÉM MINGA → A-N MAGNÉM MINGA e via acsè. Però s'a fus véra 'l è un quèl strân dimóndi parchè praticamènt la forma AN la n gh sarév mai ma sōl N cun eliśiòn. Pò parchè scrìvar A-N MAGN MINGA e minga AL-N MAGNA MINGA? 'L è cuma scrìvar EGLINON MANGIA MICA! A prév ès'r anc 'd acòrd in na quàlc manéra parchè cl'idéa chè la dà sèns a la fórma 'T AN MAGN MINGA (lasànd al sugèt AT) che mè a scriv invéci TA N MAGN MINGA (esénd ch'a pòs anc pinsàr che AT al dvènta dal vòlti TA par psēr dascórar méj quànd un quàlc quèl a s mét in mèś fra sugèt e vèrub cuma in TA M DÀ FASTÌDI e TA GH VÀ DÈNTAR). Par mè i eśìstan M (mi) N (non) T (ti) S (si) G (ci/gli) scriti acsè, sénsa na vucàl prima parchè a i cat sèmpar da par lōr, pusìbil ch'a gh sia sèmpar n'eliśiòn in mèś? Difarènt 'l è al caś ad IN (ne) parchè a s diś A IN CAT TRI (io ne trovo tre) ma anc A 'N IVA TRI (io ne avevo tre).--Mirandolese (discussioni) 22:15, 20 Dec 2014 (UTC)
