Debora Caprioglio

Da Wikipedia.
C'l artìcul chè 'l è scrit in Miranduléś Emiliàn


Debora Caprioglio l'è n'atóra vèneta nada a Mèstar al 3 ad mâg dal 1968.

Biugrafìa

Debora Caprioglio durànt al Taormina Film Fest in dal Śugn dal 2003

Debora Caprioglio a daśdót an la và in finàl in dal cuncórs "Un volto per il cinema" e la vèṅ duciàda par Klaus Kinski, famóś atór e regìsta, dvintànd la sò muróśa in dal 1987. La fà sèg i sò prim film: Grandi cacciatori (Grand casadór, 1988) 'd Augusto Caminito e Kinski Paganini (1989) ch'l'à muciâ sù dimóndi crìtichi al Festival ad Cannes.

Dòp ch'la s è mulàda sèg la decìd ad far un film cun Tinto Brass e la dvénta dimóndi famóśa par via dal sò film spurcaciòṅ Paprika dal 1991 in dua lē la fà la part dna putàna ch'la lavóra in un burdèl.

Dòp al śal/eròtic Spiando Marina (Aduciànd Marina ad nascòst) e al còmic Saint Tropez - Saint Tropez (tut i du girâ in dal 1992), Debora Caprioglio la càmbia tutalmènt regìstar e in dal 1994, dòp avér fat un rōl in dal drama Con gli occhi chiusi (Cun i òć sarâ) ad Francesca Archibugi, la decìd ad mulàr ch'la figùra ch'la gh'iva ad dóna pròspra e sensuàla.

Dòp Albergo Roma (1996) la dà un taj al cìnema e la taca a lauràr a teàtar e a la televiśiòṅ, faghénd soquànt film TV.

In di ultmi stagiòṅ televiśìvi l'à fat la sò preśénsa a Buona Domenica ad Maurizio Costanzo in sal Canale 5 mèntar par Rai 2 l'à laurâ a Mezzogiorno in famiglia e a la quìnta edisiòṅ dal reality show l'Isola dei famosi.

Al 7 ad Setémbar dal 2008, quànd la gh'iva 40 an, la s è spuśàda cun 'l atór e regìsta Angelo Maresca.

In dal 2010 la và śò in dal camp e la decìd 'd impegnàr-as in pulìtica p'r al muvimènt Alleanza di centro, al partî 'd 'n amig ad sò marè Francesco Pionati, ch'al dà 'n apòǵ al presidènt dal cunsìli Silvio Berlusconi. Pionati al l'à numinàda respunsàbila nasiunàla dla Cultura e dal Spetàcul dal sò partî.

Filmugrafìa

  • Grandi cacciatori 1988
  • La maschera del demonio Film TV 1989
  • Kinski Paganini 1989
  • Paprika 1991
  • Saint Tropez - Saint Tropez 1992
  • Spiando Marina 1992
  • Con gli occhi chiusi 1994
  • Addio e ritorno Film TV 1995
  • Storia d'amore con i crampi 1995
  • Albergo Roma 1996
  • Sansone e Dalila Film TV 1996
  • La quindicesima epistola Film TV 1998
  • Non lasciamoci più sèrie TV 1999
  • Non lasciamoci più 2 Minisèrie TV 2001
  • Un maresciallo in gondola Film TV 2002
  • Posso chiamarti amore? Film TV 2004
  • Provaci ancora prof (quat'r epiśòdi) 2005
  • Ricomincio da me Minisèrie TV 2005
  • Crimini (sōl 'n epiśòdi) sèrie TV 2007
  • Ripopolare la reggia 2007
  • I Cesaroni (sōl 'n epiśòdi) sèrie TV 2009

Culegamènt estéran