Criśe

Da Wikipedia.
C'l artìcul chè 'l è scrit in Carpśàn Emiliàn
Un vèś dla Grécia antìga, négher a figùri ròsi, cun al Criśe ch' al prèga 'l Agamènon ed dèr'g indré só fiōla Criśèide
Al Criśe ind un bust dal 1740 ed Michelange Slodtz

Criśe, in dla mitulugìa gréca, l' è 'n prēt in dal tèimpli dal dio Apòl in dla sitê 'd Criśe, śvèin a Tróia, e 'l è anc al pèder 'dla śóvna Criśèide.

Send só fiōla finìda in del man di gréc cuma pert 'd un butèin ed guèra, al pèder Criśe al gh' à d' andèr al camp di gréc, sot' a la sitê 'd Tróia, in dû lē l' è dré a fer la serva e l' amànta dal re Agamènon. Al vèć Criśe al préga in tùt' el manéri che la fiōla la gh vegna dèda indrē, mo 'l re 'l è iremovìbil e 'l finìs per tratèr mel e ofènder al ṿcìn. Criśe da prēt quèl ch'l ē, al dmanda alóra al só dìo 'd pinsèreg lò a giustèr i lavōr, e difàti al dio Apòl al manda la pésta in dl acampamèint di gréc. Avènd acsè capî al re Agamènon 'd ès'r in dal tort, al dév rimedièr ed cursa e perciò al manda la śóvna indrē dal pèder, anca s' l' è ormài ingrevdèda. Al fiōl stès ed Criśèide ch' a nasarà, al gnarà ciamê Criśe cum' al nōn.

Vóś lighèdi

Colegamèint estèren