Cappella

Da Wikipedia.

C'l artìcul chè 'l è scrit in Miranduléś Emiliàn


«
If you can't bare it all, I can stop this for you, if you can't bare it all, what would you want me to do? If you can see my love, I can see love in you, what would you want me to do? Tell me the way.»
(EN)(Tell Me the Way, 1995)
«
Se ta n vōd briśa al sac, a pòs dar-'g un taj, se ta n vōd minga al sac, cuśa vō't ch'a fag-j-a? Se ta n sē mia bòṅ ad védar al mè amōr, mè a pòs védar 'l amōr dènt'r ad tè, cuśa vō't ch'a fag-j-a? Dì-'m la manéra.»
(MUD)


I Cappella i èṅ un grup muśicàl itagliàṅ (o méj, un prugèt muśicàl) cgnusû in d'l àmbit dl'eurodance, ma anc dla dance e dla techno ch'i àṅ abû sucès specialmènt in di an Nuànta, anc a 'l èstar.

Biugrafìa

Al prugèt al nas par mèrit ad Gianfranco Bortolotti dla Media Records ad Brësa ch'l iva bèla prudót i 49ers. A 'l inìsi i lavóran sèg Mauro Picotto, Pagany, Roby Arduini e Max Persona. Al nóm Cappella al salta fóra però sōl in dal 1987 quànd a véd la luś al braṅ Bauhaus cantâ par Ettore Foresti e fat a la manéra ad Pump Up The Volume di M/A/R/R/S che in alóra i fàvan scóla.

In séguit i vènan fóra dagl'atri cansòṅ ad sucès cuma Take Me Away cun la Loleatta Holloway a la vóś. Par catàr na cantànta ch'la dis anc la sò figùra a 'l prugèt, a vèṅ sarnìda la Kelly Overett p'r al vìddeo dal braṅ U Got 2 Let The Music anc se cantâ da n'atra dóna incóra, la Salee. A i Cappella a s śònta anc al rapper Rodney Bishop, miténd insém un masć e na fémna cum andàva a la granda in di an Nuànta. Cun chi dū lè a 'l timòṅ al grup al mucia sù dimóndi sucès, cun dal canti famóśi cuma Move on Baby, U & Me, Move It Up dal 1994 e Don't Be Proud dal 1995.

Cun cal braṅ chè però la Kelly Overett la s in và e a gh'è ch'a diś ch'la n àppia mai cantâ dabòṅ mai na canta. Tant par dir-'n una, la Vicky Shepard l'iva fat càuśa a i Cappella dgénd che la vóś ad U & Me la fus tòlta pari pari da 'l sò braṅ Love Has Changed My Mind dal 1992, ma p'r al fat che U & Me la n fus mai gnuda fóra in di Stat Unî, al sò paéś, a n s 'n è fat gnint.

Cun la nóva cantànta Allison Jordan in di rang, al grup al fà gnir fóra Tell Me the Way, sìngul ad sucès dal 1995, e pò I Need Your Love.

In dal 1999 Bortolotti al fà savér in sal sit dal sò cà discugràfica ch'al lasa pèrdar al prugèt Cappella. In dal 2011 a vèṅ fóra na racòlta ad braṅ rimixâ, The Remixes.

Discugrafìa

Sìngui

  • 1988 - Bauhaus (Push the Beat)
  • 1989 - Helyom Halib
  • 1989 - House Energy Revenge
  • 1990 - Get Out of My Case
  • 1990 - Everybody Listen to It
  • 1991 - Everybody
  • 1992 - Take Me Away
  • 1993 - U Got 2 Know
  • 1993 - U Got 2 Know (remix)
  • 1993 - U Got 2 Let the Music
  • 1994 - Move on Baby
  • 1994 - U & Me
  • 1994 - Move It Up/Big Beat
  • 1995 - Don't Be Proud
  • 1995 - Tell Me the Way
  • 1996 - I Need Your Love
  • 1996 - Turn It Up and Down
  • 1997 - Be My Baby
  • 1997 - Do You Run Away Now
  • 1997 - U Tore My World Apart
  • 1998 - U R the Power of Love
  • 1998 - U Got 2 Let the Music '98
  • 1998 - Throwin' Away
  • 2002 - U Got 2 Know 2002
  • 2004 - Angel
  • 2004 - U Got 2 Let the Music 2004
  • 2006 - U Got 2 Let the Music Technikal Remix
  • 2007 - U Got 2 Know (Spenno, Dizzy & Sparky Rmx)
  • 2010 - U Got 2 Let The Music 2010
  • 2010 - U Got 2 Know 2010
  • 2010 - Take me away (Feat. Bootmasters)
  • 2011 - Power (Feat. Bootmasters)

Àlbum e Racòlti

  • 1989 Helyom Halib
  • 1994 U Got 2 Know
  • 1996 War In Heaven
  • 1998 Cappella
  • 2005 Best of
  • 2006 Greatest Hits
  • 2010 Best of Cappella
  • 2011 The Remixes

Culegamènt estéran