Cagapùi

Da Wikipedia.

C'l artìcul chè 'l è scrit in Miranduléś Emiliàn

Na piànta ad Cagapùi
Na tórta ad Cagapùi


Al Cagapùi (mora in italiàn) l'è 'n frut dla piànta dita Rubus ulmifolius o dla Crataegus monogyna, cgnusùda méj cuma Biancuspèṅ.

Descrisiòṅ

Al frut, ch'al fà part di frut ad bòsc, 'l è vérd a 'l inìsi e pò al dvénta rós o vióla in sal négar quànd al madùra. Dèntar al gh'à dimóndi vitamìni C e A. Sènt gram ad cagapùi frésc i gh'aṅ 52 calurìi, 0,7 gram ad pruteìni, 0,4 gram ad gras, 12,8 gram ad sùcar, 32 miligràm ad cals, 0,6 miligràm ad fèr. Cal magnàr chè al fà andràr ad còrp, minga sōl i pui ma anc i cristiàṅ.

Al cagapùi 'l è dimóndi delicâ e a s fà fadìga a cunservàr-'l a lung. In gènar a 'l s dróa par réndar bèi i dóls e par far di yogurt, di ślâ, dla marmelàda o anc di vèṅ.

Manéri ad dir

  • (CARPŚ) ’L è greś damànd na séva ed chegapùi: ùn ch'l è ben poc figadìn