Billy Elliot

Da Wikipedia.

C'l artìcul chè 'l è scrit in Miranduléś Emiliàn

Billy Elliot

Jamie Bell in na figùra dal film
id.
2000
Regìa: Stephen Daldry
Scritōr: Lee Hall
Atōr: Jamie BellGary LewisJulie Walters
Jamie DravenJean HeywoodJanine Birkett
Stuart WellsMike ElliotNicola Blackwell
Billy FaneCarol McGuiganJoe Renton
Müsica: Stephen Warbeck
Léngua: Ingléś
Dürä dal film: 110 minüt
Nasiōṅ: Régn UnîFrància


«
Dènt'r ad nuàtar tut a gh'è 'n talènt speciàl ch'al spèta ad vgnir fóra. Al truc 'l è ad catàr-al.»
(Tagline dal film)


Billy Elliot (id.) 'l è 'n film dramàtic dal 2000 ad Stephen Daldry. 'L è stâ girâ c'n un budget ad tri migliòṅ ad sterlìni, faghénd-an pò sù da piò ad stanta-dū, e 'l à tòlt ispirasiòṅ da la vita véra dal balarèṅ Philip Mosley.

Sunt

Billy Elliot (Jamie Bell) 'l è 'n baghét 'd und'ś an òrf'n ad màdar ch'al viṿ cun sò pàdar Jackie (Gary Lewis), cun sò fradèl Tony (Jamie Draven), tut i dū minadōr, e cun sò nunóna (Jean Heywood). Custrét da sò pàdar a far la boxe, al ragasōl al capìs invéci 'd avér na pasiòṅ ad c'l àtar mónd p'r i balét, qvéi clàsic, ma a n è minga fàcil par lò parchè 'l giudìsi dla sò famìja in mèrit 'l è ch'l è 'n quèl da fnucèṅ.

Un dè a Billy a gh sucéd ad védar na lesiòṅ ad bal dla sgnóra Wilkinson (Julie Walters), màdar separàda, par via di còran ch'al gh'à fat c'l imbariagòs ad sò marè, dna sò cumpàggna 'd scóla, la Debby (Nicola Blackwell). Quànd chi lē la dmanda ad pruàr-'g anca lò par védar s'l è bòṅ, Billy al fà capìr a tut ch'al gh'à di nùmar e acsè al taca a 'ndàr a lesiòṅ lè, a n dgénd gnint a i suo ch'in cal mént'r i tàcan na lòta dura in dla mina, faghénd siòpar cónt'r i pruedimènt dla Margaret Thatcher.

Culegamènt estéran