Bill Mantlo

Da Wikipedia.
C'l artìcul chè 'l è scrit in Miranduléś Emiliàn


William Timothy Mantlo dit Bill (New York, 9 ad Nuvémbar dal 1951) 'l è 'n avucàt americàṅ e scritōr ad fumét ad supereroe par la Marvel Comics e par cla cà lè 'l à dâ vita a i persunàǵ ad ROM, Cloak And Dagger e di Micrunàut.

Biugrafìa

In d'l Utóbar dal 1974 Mantlo al taca a lauràr par la "cà di idéi" tgnénd a drē a i culōr, par pò pasàr a i tèst, tacànd cun un fill-in (nùmar impinidōr) dal Maṅ Murtàli dal Kung Fu dal tìtul "I fiōi dla tigra". Bill al cuntìnua a scrìvar cal fumét lè e, insém a George Pérez, al dà vita a la Tigra Biànca, al prim super-eroe ch'al vèṅ da 'l Pòrt Rìc.

In cal mèntar, al cap di editōr Marv Wolfman al gh fà far dimóndi nùmar impinidōr, par tgnir a drē a 'l scadési di sò culéga. Bill al scriv acsè praticamènt da tut.

In séguit Mantlo al dvénta al scritōr regulàr ad sèrie cuma Iron Man (Óm ad Fèr), Cloak And Dagger (Tabàr e Pugnàl), di canadéś Alpha Flight, ROM, Spetaculàr Óm Ragn e Hulk e al fà anc soquànt lavōr di Vendicadōr, di Quàtar Fantàstic, di X-Men (Óm-X) e i Difensōr. In dal 1982 al scriv anc al quàtar stòri dla Viśiòṅ e Strìa Scarlàta ch'i gh'ìvan d'avér fiōi (gl'anvō ad Magneto). Dū an dòp 'l è al tùran di quàtar epiśòdi dal Fant ad Cōr.

In dal mèś di an Utànta al taca a strudiàr léǵ dvintànd acsè avucàt a tèmp pîṅ e lasànd da na banda al lavōr ad scritōr ad fumét, dòp avér culaburâ anc cun la DC Comics e la sò Invaśiòṅ.

In dal 1992 Bill al vèṅ mis sóta da na màchina e al patìs di dan grav a la tèsta, finénd in còma par 'n an. Anc adès Bill 'l è incóra ricuverâ e a n sà minga se e quànd al guarirà dabòṅ.

Culegamènt estéran