Beetlejuice - Spiritello porcello

Da Wikipedia.

C'l artìcul chè 'l è scrit in Miranduléś Emiliàn

Beetlejuice
Beetlejuice - Spiritello porcello

Baldwin, Keaton e la Davis in na figùra dal film
Beetlejuice - Spiritèṅ pursèl
1988
Regìa: Tim Burton
Scritōr: Michael McDowell
Warren Skaaren • Larry Wilson
Atōr: Alec BaldwinGeena DavisWinona Ryder
Michael KeatonSylvia SidneyJeffrey Jones
Annie McEnroeGlenn ShadixCatherine O'Hara
Müsica: Danny Elfman
Léngua: Ingléś
Dürä dal film: 92 minüt
Nasiōṅ: Stat Unî


«
Fantàśma divertènt, śugadōr e visióś.»
(Tagline dal film)


Beetlejuice - Spiritello porcello (Beetlejuice - Spiritèṅ pursèl) l'è na cumèdia americàna dal 1988 ad Tim Burton ch'l'à vins al Prèmi Òscar dal 1989 p'r al truc mijór. “Beetlejuice” in Emigliàṅ a vōl dir “Sûg ad scaravàś”.

Custâ quìndas migliòṅ ad dòlar, al film al gh l'à cavàda a la fiṅ a purtàr-'n a cà da piò ad stanta-tri.

Sunt

Dòp un spavintóś incidènt in màchina, Adam Maitland (Alec Baldwin) e sò mujér Barbara (Geena Davis) i tórn'n a cà ma ninsòṅ 'l è bòṅ ad véd'r-i parchè i èṅ mòrt. Inóltar fóra dla vila a gh'è 'l deśèrt in dua i gh vìvan sōl i “Bèg dal Sabi”. Lśénd un lìbar ciamâ "Al manuàł dal péna mòrt" i capìsan 'd èsar dvintâ di fantàśma.

La cà lōr la vèṅ cupràda par na famìja ad New York, i Deetz, Charles (Jeffrey Jones), la Delia (Catherine O'Hara) e la śōvna dark Lydia (Winona Ryder), ma chi lōr chè i n èṅ minga tant gustóś tant ch'i Maitland i próan in tut al manéri a paràr-i via faghénd-ag di spavènt ma sénsa cavàr-'g-la. Saénd ch'i èṅ custrét a 'rmàgnar lè almànc sènt-vintsìnc an, i dū i decìd'n acsè ad dmandàr ajùt a Beetlejuice (Michael Keaton), un ghoul ch'ad mistēr al fà 'l eśurcìsta a 'l cuntràri, òṅ ch'al śluntàna gl'umàṅ da i spìrit.

Culegamènt estéran