Búzios
Artìcol in dialët piasintëin 
Búzios (al sò num cumplët a l'è Armação dos Búzios) a l'è una sitä dal Brasil, in dal Stät ad Rio de Janeiro, a quäsi 170 km a Nord ad la sò capitäla.
In dal 2009 la gh'hava 28.653 abitant.
[modifica] Storia
Búzios a l'è sëimpa stä un vilàgg ad pascadù dal cumoin ad Cabo Frio. A l'è dvantä indipendëint al 12 nuëimbar dal 1995.
Adritüra, pàr ca in dal sècul XVI i sò prìm abitänt i sìan stä gl' Indios Tupinambás. I'enn sëimpar rastä amìs cui pirä e cui Francès. In dal sècul XVII, i'enn stä mandä via dai Partüghès.
[modifica] Ecunumia
Fën al sècul XX, l'ecunumia ad Búzios l'è stä la pesca e l'agricultüra. Da dòpu la mitä d'i ann '50 l'ha cumanciä a vëign gëint da tütt al mùnd, par via d'i sò belìsimi spiägi. Un parsunägg famùs c'a vëgn a Búzios a l'è Brigitte Bardot.
[modifica] Atar futugrafìi
-
Al munümëint a Brigitte Bardot
-
Búzios ad nòtt
-
La spiägia Azeda
