Annabella Sciorra

Da Wikipedia.

C'l artìcul chè 'l è scrit in Miranduléś Emiliàn

La Sciorra tòlta śò in dal 2008


L’Annabella Gloria Philomena Sciorra, cgnusùda méj cuma Annabella Sciorra (Wethersfield, 29 ad Mars dal 1960, a s lèś /ˈʃoʊrə/ in Ingléś), l'è n'atōra americàna, fiōla ad genitōr cun di urìgini itagliàni.

L'è stada spuśàda cun 'l atōr Joe Petruzzi da 'l 1989 a 'l 1993 mént'r adès l'è cumpagnàda cun Bobby Cannavale, cgnusû par la sitcom Will & Grace.

Biugrafìa

Carsùda a Brooklyn, la Sciorra a tréd'ś an la s iscrìv a 'l famóś studi teatràł Hagen-Berghoff. In séguit la stùdia a la South Shore High School.

La fà 'l sò debùt in dal cìnema cun la pelìcula True Love dal 1989 in dua la fà na ragasōla 'd Brooklyn cun di cumplès. Dòp dū bèli interpretasiòṅ in di film Il mistero Von Bulow cun Jeremy Irons e la Glenn Close e Insieme per forza cun Michael J. Fox, l’Annabella la gh'à na part impurtànta in dal film ad Spike Lee dal 1991 Jungle Fever, qvéla dl’Angie Tucci, amànta dal persunàǵ interpretâ par Wesley Snipes.

In dal 1992 la gira dū thriller: Perversione mortale ad Christopher Crowe e La mano sulla culla ad Curtis Hanson in dua la gh'à da patìr la cativèria dla Rebecca De Mornay. In di an Nuànta la tōś part pò a tri film 'd Abel Ferrara: The Addiction - Vampiri a New York dal 1995, Fratelli dal 1996 e New Rose Hotel dal 1998.

'L ùltim sò film p'r i schérum grand 'l è Prova a incastrarmi - Find Me Guilty ad Sidney Lumet dal 2005 pò la Sciorra la taca a lauràr par dal sèrie televiśìvi cuma Law & Order - Il verdetto, E.R. - Medici in prima linea, The L Word, Mental e The Whole Truth dòp i sò sucès c'n I Soprano.

Filmugrafìa

Culegamènt estéran