American Pie

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg American Pie
American Pie
American pie.png
Biggs, Nicholas e Thomas in na figùra dal film
Tórta 'd póm
1999
Regia: Paul Weitz • Chris Weitz
Scritùr: Adam Herz
Atùr: Jason BiggsThomas Ian NicholasChris Klein
Eddie Kaye ThomasAlyson HanniganTara Reid
Shannon ElizabethSeann William ScottEugene Levy
Müsica: David Lawrence
Dürä dal film: 96 minüt
Lengua: Ingléś
Nasiòun/Paèiş: Stat Unî


«
Al prim murśgòt 'l è impusìbil da daśmindgàr.»
(Tagline dal film)


American Pie (Tórta 'd póm) 'l è na cumèdia americàna dal 1999 ad Paul Weitz e ad Chris Weitz, dū fradèi chè a la lōr prima regìa.

Custa ùndas migliòṅ ad dòlar, al film al gh'à abû pò un sucès clamuróś e al 'n à fat sù da piò ad duśènt-trentasìnc migliòṅ. Par dasfrutàr-'n al sucès i vènan fóra in di an sucesìṿ sèt film fra séguit, pelìculi p'r al marcâ televiśìṿ e spin-off.

Par la culòna sunóra dal film, i Blink 182 i càntan dū pès, Mutt e Every time i look for you.

Sunt

Jim Levenstein (Jason Biggs), Kevin Myers (Thomas Ian Nicholas), Paul Finch (Eddie Kaye Thomas) e Chris Ostreicher dit Oz (Chris Klein) i èṅ quàtar śuvnòt ch'i vaṅ a scóla insém, i èṅ a 'l ùlt'm an, ma i gh'aṅ anc 'n àtar quèl in cumùṅ, qvél 'd ès'r incóra vìrgin. Dòp n'atra fèsta pasàda in biànc sénsa psēr puciàr al biscòt, gl'àmig i decìdan ad far un pat par jutàr-as a ciulàr prima ch'a finìs la scóla. I gh'aṅ n'ultma ucaśiòṅ durànt na fèsta a cà dal galét Steve Stifler (Seann William Scott).

Jim al vrév far-as na studènta céca, la Nadia (Shannon Elizabeth), ch'la gh piàś dimóndi. Al la tōś śò cun la webcam méntar la s cava śò ma sénsa vlér al la fà védar a tuta la scóla faghénd na figùra da ciòld cun tuti chi atri ragasōli, a part la Michelle (Alyson Hannigan), na sunadōra ad sibiōl fóra ad tèsta, ch'la gh la dà vluntéra.

Culegamènt estéran