A volte ritornano

Da Wikipedia.

C'l artìcul chè 'l è scrit in Miranduléś Emiliàn

Sometimes They Come Back
A volte ritornano

Na figùra dal film
Dal vòlti i tórn'n indrē
1991
Regìa: Tom McLoughlin
Scritōr: Stephen King
Mark Rosenthal • Lawrence Konner
Atōr: Tim MathesonBrooke AdamsMatt Nolan
Robert RuslerChris DemetralChadd Nyerges
Robert Hy GormanNicholas SadlerDon Ruffin
Tasia ValenzaWilliam SandersonJason Wiles
Müsica: Terry Plumeri
Léngua: Ingléś
Dürä dal film: 91 minüt
Nasiōṅ: Stat Unî


«
S'at guàrd bèṅ na parsòna in di òć at sà sèmpar chi l'è.»


A volte ritornano (Dal vòlti i tórn'n indrē) 'l è 'n film ad scarésa girâ par la televiśiòṅ in dal 1991 par Tom McLoughlin e 'l è trat da 'n racònt ad Stephen King tirâ fóra da la racòlta ch'la tōś al sò nóm. Al ripréśi i èṅ stadi fati in dal stat dal Missouri, in dal sità ad Liberty, ad Kànsas City e 'd Rocheport.

In Itàglia 'l è stâ distribuî par la Filmauro cun Dino De Laurentiis prudutōr eśecutìṿ. Al film al gh'à abû anc dū séguit: A volte ritornano ancora dal 1996 e Stazione Erebus dal 1999.

Chris Demetral, ch'in dal film al fà la part ad Wayne Norman, 'l à vins al prèmi cuma atōr śōvan più braṿ dal 1993 a 'l Young Artist Awards.

Sunt

'N insgnànt ad stòria, Jim Norman (Tim Matheson), al tórna un dè insém a sò mujér Sally (Brooke Adams) e a sò fiōl Scott (Robert Hy Gorman) dal sò bandi p'r insgnàr in dla sò sità in du 'l è nâ. 'L à decìś ad spatinàr lè da quànd 'l à vdû cun i sò òć murìr sò fradèl Wayne (Chris Demetral) masâ par na banda ad tri laśaròṅ in dal 1963. Ma anc qvìst chè i aṅ pò fat na bruta fîṅ, spaplâ sóta 'n tréno dòp és'r andâ a tōr la sò màchina lasàda in si binàri cuma parchéǵ.

Jim al próa a 'rfàr-as na vita ma i arbgàt i n al làsan minga durmìr la nòt e al ròbi i vàn'n incóra pèś quànd soquànt di sò studènt i tàcan a patìr di incidènt ch'i pàran di suicìdi. Inóltar chi tri là, turnâ da 'l da 'd là par purtàr a cumpimènt quél ch'i n éran briśa stâ bòṅ ad far cun lò e psér acsè catàr scamp da 'l Inféran, i tōśan pòst in dla sò clas.

Culegamènt estéran