A donne con gli amici

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Foxes
A donne con gli amici
A donne con gli amici.png
La Jodie Foster e Scott Baio in na figùra dal film
A muróśi cun gl'amìg
1980
Regia: Adrian Lyne
Scritùr: Gerard Ayres
Atùr: Jodie FosterScott BaioSally Kellerman
Randy QuaidCherie CurrieLaura DernMarilyn Kagan
Müsica: Giorgio Moroder
Dürä dal film: 106 minüt
Lengua: Inglés


«
Al curàǵ ad far-al!»
(Tagline dal film)


A donne con gli amici (A muróśi cun gl'amìg) 'l è 'n film dramàtic americàṅ dal 1980 'd Adrian Lyne, chè a 'l sò debùt. La pelìcula l'è stada distribuìda in Itâglia sōl in dal 1987.

A i butghèṅ 'l à fat sù 7,4 migliòṅ ad dòlar.

Sunt

Un grup ad quàtar ragasōli i vìv'n in di dintór'n ad Los Angeles a la fiṅ di an Stanta. La Deirdre (Kandice Stroh) l'è na spurcaciòna ch'la pasa 'l sò tèmp in discutéca e a cambiàr da spés muróś. La Madge (Marilyn Kagan) l'è un pôc ciciòna e l'è in pinsēr parchè ninsòṅ al l'à incóra gusàda. I sò genitōr i gh stan sèmp'r adòs e l'à gh'à anc na surèla più pìcula dimóndi pēśa. L’Annie (Cherie Currie) la bév dimóndi e la tōś dal madśìni, la scapa sèmpar da sò pàdar ch'al gh in dà da spés e al fà al pulisiòt. La Jeanie (Jodie Foster) la gh'à da tgnir-'g adrē e la s bat cun sò màdar ch'la s è mulàda da sò pàdar, òṅ ch'al fà 'l manager p'r al grup rock di Angel.

Gl'amìghi i s pas'n al tèmp faghénd dal fèsti e i crédan ch'andàr a scōla a sia tèmp butâ via (i gh inségnan anc a far al bagnét a di bambulòt acsè i saràṅ prònti quànd i dvintaràṅ madri). Quànd l’Annie la mōr in 'n incidènt in màchina, la vita ad chi atri la càmbia dimóndi. La Madge la spóśa Jay (Randy Quaid), 'n óm più vèć ad lē, la Deirdre la la finìs 'd andàr drē a di masć fóra ad tèsta e la Jeannie la tōś al diplòma. La Jeanie la và a catàr la fòsa dl’Annie. Fumànd na cica, la pénsa a quànd chi lē l'iva dit ch'la vliva èsar saplìda sóta 'n àlbar ad pir e minga in na scatla parchè quànd tut i an al sò amìghi i l'andàv'n a catàr, magnànd un pir, i pìvan dir: «'St an l'Annie la sà 'd bòṅ, véra?».

Culegamènt estéran