Śōg dal bucìni

Da Wikipedia.

C'l artìcol chè 'l è scrit in Carpśàn Emiliàn

Na gara 'd vedri ed soquànt an indrē.
Soquànt ragasól drē a śughèr a 'l bucìni.
I putèin colesionìsta 'd bucìni.
Du ragasèt di an Sinquànta o Ssanta drē a śughèr a 'l bucìni in sìm'a na pista disgnèda per tèra col gès.

Al Śōg dal bucìni (ciamèdi anca védri, in itagliàṅ gioco delle biglie) 'l è 'n śōg ch'a gh' piêś fèr ai ragasō quand i s càt'n insèm ind un curtîl, e-śvèin a dal canalèti, atàc a dla tèra o anca in sìm'a dla sàbia.
Difât a s pōl sèimp'r imaginèr-es che 'l bucìni i fàgh'n al gîr 'd Fransa, dend-egh di crìc per cucèr-i 'd lung ai sintēr bèle sistemê prìma; a s pól anc śughèr a purtèr vìa 'l bucìni a chi èter śugadōr cavènd-egh-la ed fer-eg sàinter còuntra, con al crìc giùst adôs a la tó bucìna.

In di schêv dl'archiulugìa a s è catê soquànti buśèini cìchi druèdi per śughèr a bucìni anca in dla Ròma antìga, mèinter che i putèin egisiàn i druèven dal bucìni anca ed gèmi, mo s'a s eśvinòm più arèint a nuèter, i putèin i in fèven colesiòun 'd quìli in tèracóta, in vēder e in metâl: el dimensiòun dal bucìni urdinàrî egl'ìn eśvèini a 'l sentìmet'r e mêś ed diàmeter, mo 'gh'n è anca 'd quìli più gròsi e apèina più cichìni.

Manéri 'd dìr

(CARPŚ) Gh'ê-'t al védri?[1], (IT) Hai con te le biglie?

Vóś lighèdi

Colegamèint estèren

Noti e referèinsi

  1. (CARPŚ) e (IT) "La Ruscaróola èd Chèerp" dal Mavro D'Oràsi, Mòdna 2012.