Égg’

Da Wikipedia.

Artéccol in dialàtt bulgnaiṡ

Al fiómm Égg', in dialatt trintén ciamè Adis, (Ita. Adige; ladin Adiç; tud. Etsch) al såurz atais al Pâs d'la Rêsia (tud. Reschenpass) int'la Alta Val Venosta (Hochvinschgau) in Elt-Égg’ e al s câza int'al Mèr Adriâtich vsén a Ciòsa. Par lungazza - 409 km e sblîsga - l'è al secånd fiómm d'Itâglia dåpp al Po.

Al pâsa äl zitè ed Trénto, Verånna, Legnègh e al lanbéss al zitè ed Meràn, Bulzàn e Ruveraid.

In tott al so basén d'l âcua l'è ed 12.100 km² (e l'è al têrz pió grand dåpp quall dal Po e dal Têvar): ed sti qué i én 7.200 d'l Elt-Égg’ (Tiròl ed såtta), indóvv ch'al fiómm al córr par 140 km (pió ed 1/3 ed tott al só tragétt).

I só afluént prinzipèl i én:

L'Égg’ a Verånna